Carina's blogg

Bjørnarlågtinden ved starten av Eikesdalsvatnet er ikkje ein "ordentleg" panoramtopp. Med ordentleg meiner eg at den ikkje er av dei 222 toppane, men den er på ei liste som inkluderer 253 toppar. I tillegg til dei 222 er det lagt på 31 toppar som er over 1000 moh, men som er under synsranda.  Turen startar ved starten av Eikesdalsvatnet kor T-merka sti over til Brandstadbu startar. Stien er godt merka og lett å finne, men tydeleg at ikkje mange går den, for det var mykje gras og kvist å gå gjennom. Det stig bratt på oppover, og utsikta blir berre betre og betre. Det er bratt motbakke opp dei 700 første høgdemetra før det flatar litt ut. Først oppe på rundt 900 moh flatar det ut, men då er det på tide å komme seg over elva og starte på ny motbakke. Fin utsikt innover Ljøsåbotnen, Skjorta og Litj-skjortene viser seg fram. Matpause for både to- og firbeinte Litj-skjorta vest/"t-skjorta" med renna Knappestolpen midt i.  Eg kryssa elva nok...

Hevnen er søt! I fjor skulle Benthe og eg prøve oss på Vikesoksa, og hadde same plan som eg hadde for denne turen. Då viste det seg at yr lova litt for mykje, og vi endte med å sette snuten heim igjen etter ei overnatting på Jønnstadsetra. Det viste seg at det var akkurat på same dato i 2016 vi prøvde turen, så greit å få tatt hevn innan året var omme! Starten for turen er på Brandstad øverst i Øksendalen. Herifrå er det ca 4 km fin grusveg inn til Jønnstadsetrene. Fin sykkeltur, og supert å kunne trille tilbake til bilen på heimeveg. Sykla inn til setrene og sette igjen sykkelen bak ei bu. I følge boka "Toppturar i Sunndal" skal det gå sti oppover på høgre side av elva. Denne er ikkje skilta frå setra (så vidt eg kunne sjå) og eg fann ikkje heilt starten på den. Det endte med at eg meir eller mindre gjekk rett opp og klura skikkeleg. Men, litt flaks skal ein ha. Skyane vart stadig mørkare og eg rekna med at det var snakk om minutt før eg vart innhenta av regnet eg såg ...

Etter ei veke på solsenga på Rhodos var det på tide å kome seg opp i høgda igjen. Køyrde til starten av Eikesdalsvatnet og overnatta i telt der, før eg dagen etter sette nasen opp i høgda. Det var ein nydeleg morgon! Trolsk stemning Uansett kor ein startar i frå, så er det mange høgdemeter til toppen av Trondskjortetinden. Eg starta frå Eikesdalsvatnet og gjekk langs den T-merka stien opp til Ljøsåbotn. Stien går vidare over Brandstadskaret til Øksendal. Eikesdalsvatnet og majestetar på begge sider Eg hadde bestemt meg for å gå opp ei renne på vestsida av dei to små vatna i Ljøsåbotnen. Renna var 500 høgdemeter lang...og bratt! Det låg snø i renna, så det var på med stegjern og dra seg oppover med skistavane. Ser kort ut, men.... Fløtatinden kjem fram, godt med skiføre midt i juni! Pust og pes! Fantastisk deilig å kome seg opp på flata. Så var det å følge ryggen mot toppen. Med unntak av eit lite "vanskeleg" parti, som eg omgjekk på austsi...

I påska vart det supre forhold for topptur i siste halvdel, og slikt måtte utnyttast. I løpet av eit drøyt døgn i Nesset fekk eg to flotte toppturar og ei nydeleg teltovernatting! Dag ein gjekk turen til Fløtatinden. Starta tidleg og hadde faktisk fjellet for meg sjølv heilt til eg kom ned til skoggrensa igjen! Og for eit føre, pudder de luxe! Fløtatinden til venstre og Trondskjortetinden til høgre Fløtatinden - pudderføre de luxe! Litjskjorta til venstre, traversen frå Glennfjellet til Ryssdalsnebba midt i, Skrommelnebba lengst til høgre Fine fjell på rekke og rad, Breitelnebba til venstre for skia. Hadde toppen for meg sjølv! Fantastisk utsikt frå Fløtatinden Etter turen sette eg kursen mot Øverås og Eikesdalsvatnet. Eg har fleire gonger telta her, og det er like fint kvar gong! Gogsøyra Dagens turmål midt i biletet Frå Øverås med utsikt mot Røndølsskaret Hotellet for natta! Gogsøyra Kveldskos Neste morgon vakna eg til kald...