Carina's blogg

I påska vart det supre forhold for topptur i siste halvdel, og slikt måtte utnyttast. I løpet av eit drøyt døgn i Nesset fekk eg to flotte toppturar og ei nydeleg teltovernatting! Dag ein gjekk turen til Fløtatinden. Starta tidleg og hadde faktisk fjellet for meg sjølv heilt til eg kom ned til skoggrensa igjen! Og for eit føre, pudder de luxe! Fløtatinden til venstre og Trondskjortetinden til høgre Fløtatinden - pudderføre de luxe! Litjskjorta til venstre, traversen frå Glennfjellet til Ryssdalsnebba midt i, Skrommelnebba lengst til høgre Fine fjell på rekke og rad, Breitelnebba til venstre for skia. Hadde toppen for meg sjølv! Fantastisk utsikt frå Fløtatinden Etter turen sette eg kursen mot Øverås og Eikesdalsvatnet. Eg har fleire gonger telta her, og det er like fint kvar gong! Gogsøyra Dagens turmål midt i biletet Frå Øverås med utsikt mot Røndølsskaret Hotellet for natta! Gogsøyra Kveldskos Neste morgon vakna eg til kald...

I august var det omtrent "panoramatopp-tørke", så stor var lykka då eg endeleg hadde moglegheit til å prøve meg på ein ny topp. Vermeldinga lova finver, men i Molde låg skydekket lågt og tett. Men eg stola på frøken yr som sa at det skulle lette på føremiddagen og at det skulle vere lettare i indre nn i ytre strok. Og, det stemte jaggu meg! Kleneggen stod for tur, og Aursjøvegen sørga for at talet på høgdemeter omtrent vart halvert. Men, det er ein dryg tur, høgdemetra er "lange". Eg køyrde så langt inn i Gravdalen som det var mogleg og la i veg langs tydeleg sti. Etter eit stykke kjem ein til eit stikryss som ikkje var så enkelt å sjå, men eg oppdaga kursfeilen ganske så kjapt. Så var det å runde rundt til det som på kartet er merka Hundan. Derifrå gjekk det slakt over store slegder fram til det endeleg begynte å stige litt, slik at høgdemetra gjekk unna. Etter kvart som eg kom høgare opp, vart utsikta berre finare og finare, og majestetar både på Nordmøre og ...

Yr meldte om moglegheiter for oppholds og til dels pent ver, så her var det ingen tid å miste. Hadde tenkt meg ein tur til Trollstigen for å gå på Titindan, to toppar som ligg på "Finnan-massivet". Men då eg kom dit hang skodda lågt og det regna, så etter å ha venta på betre ver ei lita stund stakk eg derifrå og sette kursen mot Sandgrovbotn. Sandgrovbotn ligg mellom Romsdalen og Eikesdalen og dit kjem du ved å køyre nesten til Bjorli og ta av til Brude, og ta så av til høgre i det einaste "vegkrysset" du møter. Då er det 25 km med fin grusveg heilt inn til Nedste Mardalsvatnet og det er gratis å køyre der. Det er ein del panoramatoppar i området og i og med at det var litt sein ankomst så bestemte eg meg for å ta den første og raskaste eg kunne komme meg til. Målet vart Sandgrovegga. Frå der eg parkerte startar sti over til Eikesdalen. Dit eg skulle var det ingen merka eller utprega sti, men ein og anna plassen kom eg over spor etter gamle fotspor. Så...