Carina's blogg

Delar av påskeferien var eg i Batnfjorden, og då rakk eg nokre turar i bygda. Raudheia 670 moh - sol og bra føre Utsikta frå Raudheia mot Sør-Sør-Aust   Batnfjorden Meddagshåjinn (Steinlifjellet) 572 moh - flatt lys og pudder Silsetvatnet Trudde sola skulle kome, men den vart borte så kjapt som den kom... Snøtind - flatt lys, null sikt, ingen toppkjenning men rett så bra føre! Fint ver og vårstemning i starten av turen Flott utsikt på rundt 900 moh.... Var ikkje vits å prøve seg på toppen, så vi sette snuten ned igjen. Det var overraskande godt føre på fjellet.... Litt dårligare føre i skogen.... Men alle var einige i at det hadde vore ein fin tur!

For første gong har eg no vore på vintertelttur. Har i lengre tid hatt lyst til å prøve ut dette, og forrige fredag morgon sette eg kursen mot Skorgedalen. Pakka pulken og sette kurs innover mot Ljøsåvatnet. Det var ganske uvant å gå med pulk, mykje rykk og napp, men det er heldigvis ikkje mange bratte bakkar innover, så det gikk bra. Det er ein ganske drøy måle innover dalen, ca 7,5 km. Det smaka då godt med solings og kaffepause ved Ljøsåbu. Så var det å finne teltplass litt oppi lia for Ljøsåbu og sette opp teltet. Skorgedalen og Skarven i det fjerne Hotellet Etter ei stund med rigging av leiren, var det tid for ein liten topptur. Sette kursen mot fjellrekka bak meg, og gikk opp i skaret mellom Såta og Litje Blåtind. Kul rygg å følge når ein kjem opp på den. Veldig vekslande skiføre og vekslande mengder med snø. Men det var fin utsikt i alle retningar og plutseleg var eg på toppen. Nedkjøringa var ikkje mykje å skrive heim om, kartongføre, stålholke, fokksnø...

Trollstigen har opna, og med dagens ver var det ikkje noko å vente på. Benthe, Marte og eg heiv oss i bilen og sette kursen mot Trollstigen. Allerede på fergekaia var det klart at vi ikkje vart åleine på fjellet....Vi hadde sikta oss inn mot toppane Småholtinden øst og den namnlause toppen 1562 vest for Alnestind, mellom Alnestinden og Ringshornet, og det var vi glad for. På Alnestinden og Finnan var det reine 17.maitoget og vi fekk gå meir i fred. Vi starta frå Slettvikane og gikk på ski frå vegkanten. Etter eit par timar var vi oppe på første toppen og eit kvarter seinare på den andre toppen. Aldeles nydeleg skitur, med knallblå himmel og sol. På toppen var det ganske sur vind, så vi var raske med å sette kursen ned igjen. Dei første 500 høgdemetra var det nydeleg føre, var berre å gunne på! Etter ein lengre solings og etingspause tok vi fatt på dei siste knappe 400 høgdemetra, og der var føret alt anna enn nydeleg....VM i pillråtten snø, skia skjærte seg ned i snøen og lyset vart v...