Carina's blogg

Dagen etter turen ned Flåmsdalen tok vi ein roleg start på dagen før vi pakka saman på campingen og sette kursen mot Loen kor vi skulle gå Via Ferrata dagen etter. Det var dårleg ver på turen, så det frista ikkje med stopp, med unntak av Bøyabreen som plutseleg dukka opp før Fjærlandstunellen. Bøyabreen. Dette var skilta som utsiktspunkt!!! På Innvik-fjellet. Loen. Skålatårnet omtrent midt i bildet, toppen er inne i skodda. Innover mot Olden. Loen til venstre og Olden til høgre. Etter at vi hadde innstallert oss på campingen, så var det på tide å ta SUP-brettet ut på fjorden. Thea har aldri prøvd SUP (stand up paddle board) før, men var eit naturtalent! Frå fjøresteinane såg vi Gjølmunnebrua som vi skulle over dagen etterpå! Etter padlinga var det klart for herremåltid i bobilen, pitapizza! Knallgodt!

Det har vore fine sommardagar i det siste, skikkeleg sydenstemning! Derfor har det vore mange vass-relaterte aktivitetar. Omtrent som i Syden! SUP er tingen, sjøl om det var litt vanskelig å stå! Finn fred og ro på brettet! Langvatnet i Fræna Mat må badeheltar ha! Pannekaker og pølse! Nydeleg kajakktur på fjorden i går.  Nydeleg å ta ei kaffekopp i Kringstadbukta Store og mindre båtar!

Trollstigen har opna, og med dagens ver var det ikkje noko å vente på. Benthe, Marte og eg heiv oss i bilen og sette kursen mot Trollstigen. Allerede på fergekaia var det klart at vi ikkje vart åleine på fjellet....Vi hadde sikta oss inn mot toppane Småholtinden øst og den namnlause toppen 1562 vest for Alnestind, mellom Alnestinden og Ringshornet, og det var vi glad for. På Alnestinden og Finnan var det reine 17.maitoget og vi fekk gå meir i fred. Vi starta frå Slettvikane og gikk på ski frå vegkanten. Etter eit par timar var vi oppe på første toppen og eit kvarter seinare på den andre toppen. Aldeles nydeleg skitur, med knallblå himmel og sol. På toppen var det ganske sur vind, så vi var raske med å sette kursen ned igjen. Dei første 500 høgdemetra var det nydeleg føre, var berre å gunne på! Etter ein lengre solings og etingspause tok vi fatt på dei siste knappe 400 høgdemetra, og der var føret alt anna enn nydeleg....VM i pillråtten snø, skia skjærte seg ned i snøen og lyset vart v...

Det er alt for lenge sidan siste innlegg her, men det var travle tider før jul. Har prøvd meg på ei lita vareoppteljing av året som har gått i ein film. Kjem tilbake med oppsummering i form av tekst og bilete. Filmen kan du sjå her  http://vimeo.com/84383219

Kjøpte meg eit SUP-brett tidlegare i sommar, Stand Up Paddleboard, og etter den nydelige overnattinga på Litjefjellet tok eg turen til elva Istra i Isterdalen. Elva buktar seg idyllisk nedover, og med same stad for start og stopp fekk eg fleire km med fin padling. Elva har litt sterkare strøm enn Røa, som vart gjort med gummibåt tidlegare i år, og det var nokre tre som låg på kryss og tvers. Det eine greide eg ikkje å svinge unna og havna uti, var ikkje akkurat badetemperatur..... men ein kjempefin tur var det! Skal sei det tek ei lita stund å bli trygg på balansen når ein står på brettet, men det kjem vel med trening!