Carina's blogg

Det er bestandig kjekt å sjå tilbake på fin turar. Denne turen var eg på omtrent på same tida i fjor. Det var ein litt overskya laurdag, men vermeldinga sa at det skulle bli fint ver utover dagen. Så eg hyva meg rundt, pakka sekken og gjekk opp på Storfjellet/Rødfjellet , frå Batnfjordssida. Eg har aldri gått opp på fjellet frå den sida, bestandig frå Storlandet/Søvika , så eg fekk sjå Batnfjorden frå ein ny vinkel også. Solnedgang, måneskinn og soloppgang, eit nydeleg fargespel. Det er slik at bilete seier meir enn ord, det er ikkje nødvendig med fleire ord her!

Hevnen er søt! I fjor skulle Benthe og eg prøve oss på Vikesoksa, og hadde same plan som eg hadde for denne turen. Då viste det seg at yr lova litt for mykje, og vi endte med å sette snuten heim igjen etter ei overnatting på Jønnstadsetra. Det viste seg at det var akkurat på same dato i 2016 vi prøvde turen, så greit å få tatt hevn innan året var omme! Starten for turen er på Brandstad øverst i Øksendalen. Herifrå er det ca 4 km fin grusveg inn til Jønnstadsetrene. Fin sykkeltur, og supert å kunne trille tilbake til bilen på heimeveg. Sykla inn til setrene og sette igjen sykkelen bak ei bu. I følge boka "Toppturar i Sunndal" skal det gå sti oppover på høgre side av elva. Denne er ikkje skilta frå setra (så vidt eg kunne sjå) og eg fann ikkje heilt starten på den. Det endte med at eg meir eller mindre gjekk rett opp og klura skikkeleg. Men, litt flaks skal ein ha. Skyane vart stadig mørkare og eg rekna med at det var snakk om minutt før eg vart innhenta av regnet eg såg ...

Første veka i ferien var eg ein tur i Sunndalen og veret var nydeleg. Så eg bestemte meg for å ta ein overnattingstur på fjellet før eg sette nasen heimover. Valet fall på Stortuva ovafor Ålvundfjorden. Ruta til topps er godt merka, så det er berre å følge stien. Meir info i linken:  https://www.ut.no/tur/2.9613/ Eg var usikker på kor mange moglegheiter det var for vatn oppover, så eg fylte på når eg kom til den første seterbygninga og stien tok av til høgre. Det viste seg at det var moglegheiter oppover, men fikk jo litt ekstra tung sekk og ekstra trening!! Oppe på toppen. Då starta jakta på ein flat plass og ligge på, med utsikt og uten vind. Mange krav, men fann til slutt eit "flatt" område bak ein bergknaus kor eg la meg til! Stortuva har to toppar, 1036 moh og 1030 moh. Eg jogga bortom 1036, men slo meg til på 1030-toppen. Det er her utsikta er stor! Ålvundfjorden og Nesøya Veret var fantastisk, skjorts og t-skjorte, så eg hadde store forhåpningar til...