Vakna til grauttjukk skodde, men såg at sola ikkje var så langt unna, og kunne nyte ein kaffekopp medan eg venta. Det vart ein nydeleg morgon!
 |
| Dagens turmål til venstre |
 |
| Gårsdagens topp - Sandgrovegga |
Dagens plan var skitur til Rangåhøgda, og etter ein betre frokost pakka eg saman og køyrde vidare innover dalen. Før eg starta turen køyrde eg vegen til endes for å sjå innover Mardalsbotnen.
 |
| Mardalsbotnen |
Frå vegen tok det meg 25 minutt med skia på sekken i flatt terreng før eg fann skiføre. Da var det berre å sette igjen joggeskoa og på med skiskoa. Rangåhøgda er fjellet til venstre, til høgre er ein av fire toppar med namnet Midthøin.
Under er ruta mi innteikna.
 |
| Første stigning unnagjort. |
Det hadde vore folk her nokre dagar før meg, så svake skispor var synlege. Men uansett om eg hadde spor å gå etter, så gav ruta seg sjølv, ikkje mogleg å gå feil her. Det var skikkeleg shortsføre og for min del årets første (og siste?) sommarskitur!?!
 |
| Glemte solkremen heime så var litt spent på utfallet....kan melde om at det gikk relativt bra! |
 |
Utsikt mot Mardalsbotnen og Juratind
Etter 800 høgdemeter på ski var eg på toppen og fekk ei storslagen utsikt til majestetar i Romsdalen, mellom anna Romsdalshorn, Kvanndalstind og Vengetindane.
|
 |
| Grøttavatnet og Midthøin, langt bak til høgre ser Juratind ute av skyene. |
 |
| Godt fornøgd panoramajeger! Det var ein skikkeleg morotur! |
Rangåhøgda var eit fint og artig fjell, men i følge boka på toppen er det ikkje besøk der kvar veke. Så denne toppen anbefaler eg!
Etter ein lengre pause, var det på tide å stramme skoa, ta av fellene og sette snuten ned igjen. Med tanke på at vi er i slutten av juli var det rett så bra føre. Det var berre å la det stå til nedover, og gliset gjekk nesten i rundt!
Så var det berre å ta skia på sekken og gå tilbake til bilen. Kjempeartig med skitur i slutten av juli, skal tru om det blir skitur i august??
Panoramatopp nr. 150 i boks!
Fantastiske bilder!!!
SvarSlett