Etter ei veke på solsenga på Rhodos var det på tide å kome seg opp i høgda igjen. Køyrde til starten av Eikesdalsvatnet og overnatta i telt der, før eg dagen etter sette nasen opp i høgda. Det var ein nydeleg morgon!
 |
| Trolsk stemning |
Uansett kor ein startar i frå, så er det mange høgdemeter til toppen av Trondskjortetinden. Eg starta frå Eikesdalsvatnet og gjekk langs den T-merka stien opp til Ljøsåbotn. Stien går vidare over Brandstadskaret til Øksendal.
 |
| Eikesdalsvatnet og majestetar på begge sider |
Eg hadde bestemt meg for å gå opp ei renne på vestsida av dei to små vatna i Ljøsåbotnen. Renna var 500 høgdemeter lang...og bratt! Det låg snø i renna, så det var på med stegjern og dra seg oppover med skistavane.
 |
| Ser kort ut, men.... |
 |
| Fløtatinden kjem fram, godt med skiføre midt i juni! |
 |
| Pust og pes! |
Fantastisk deilig å kome seg opp på flata. Så var det å følge ryggen mot toppen. Med unntak av eit lite "vanskeleg" parti, som eg omgjekk på austsida(venstre), så gjekk det greit å kome seg til toppen.
For ei utsikt frå toppen!! Det var berre å nyte den før returen.
 |
| Helvetestind, Styggeværshaugen, Kjøvskartind, Kirketaket, Kvitfjellet og mange andre i sikte |
Snørenna var så bratt, at det var ikkje aktuelt å sleppe opp, hadde tatt på tida å stoppe dersom eg hadde havna på rævva! Så, det var berre å komme seg ned og ta same veg tilbake til bilen. Ny panoramatopp i boks!
Avslutta med eit ISKALDT bad i Eikesdalsvatnet før heimturen. Bra avslutning på ei ferieveke!
Kart over turen.
Kommentarer
Legg inn en kommentar